XƏBƏR LENTİ

23 Sentyabr 2020
22 Sentyabr 2020

Digər Xəbərlər

28 İyul 2020 - 10:56

Tramp ABŞ üçün “qızıl dövr” olacağına söz verdi:“Tezliklə virusa qalib gələcəyik"

ABŞ Prezidenti Donald Tramp tezliklə koronavirus pandemiyası üzərində qələbə qazanacaqlarına və ölkə üçün “qızıl dövrün” başlayacağına söz verib.

O, bu barədə “Twitter” səhifəsində yazıb.

O, həmçinin ABŞ KİV-ini ölkədəki etirazları işıqlandırarkən qeyri-obyektiv olmaqda günahlandırıb və iğtişaş törədənləri tənqid edib.

“Yalançı KİV Portlend və Sietldəki “etirazçıları” sadəcə gəzintiyə çıxan gözəl, xoş və günahsız insanlar kimi təsvir etməyə çalışır. Əslində isə onlar xəstə və ağılsız anarxistlər və təbliğatçılardır və hüquq-mühafizə orqanları tərəfindən asanlıqla idarə olunurlar. Lakin yuxulu Co Bayden – solçuların kuklası qalib gəlsəydi (prezident seçkilərində – red.) onlar şəhərlərimizi dağıdardı, bəlkə də daha pis olardı. Bazarlar dağılar, şəhərlərsə yanardı. Ölkəmiz heç vaxt olmadığı qədər zərər çəkərdi”, – ABŞ lideri yazıb.

“Tezliklə virusa qalib gələcəyik və qızıl dövrə – heç vaxt olmadığı qədər gözəl zamanlara keçəcəyik”, – D.Tramp fikrini yekunlaşdırıb.