XƏBƏR LENTİ

09 Avqust 2020
08 Avqust 2020

Digər Xəbərlər

01 Avqust 2020 - 23:37

Rusiyanın İrandakı səfirliyi terror cəhdi xəbərini təkzib etdi- Açıqlama

Rusiyanın İrandakı səfirliyi baş konsulluqda terror aktına cəhd planları haqqında məlumatları şayiə adlandırıb.

“Report”un məlumatına görə, bu barədə RİA “Novosti” xəbər verib.

“Səfirlik yoxlanılmamış şayiələri şərh etmir”, – agentliyin müsahibi deyib.

Daha əvvəl İranın IRIB dövlət teleradio şirkəti informasiya mənbəyini göstərmədən bildirib ki, lideri İranın xüsusi xidmət orqanları tərəfindən saxlanılmış “Tondar” təşkilatı Rusiyanın Rəştdəki baş konsulluğunda terror aktı planlaşdırıb. IRIB terror aktının nə vaxt planlaşdırıldığını açıqlamayıb.

Bu informasiya İranın İnformasiya (Kəşfiyyat) Nazirliyinin “Tondar” təşkilatının lideri Cəmşid Şarmahdın tutulması haqqında bildirdikdən sonra yayılıb. Nazirliyin məlumatına görə, təşkilat ABŞ-dan idarə edilib və bir sıra terror aktları həyata keçirib, eləcə də İranda bəzi əməliyyatlar planlaşdırıb.