XƏBƏR LENTİ

24 Sentyabr 2020

Digər Xəbərlər

20 Avqust 2020 - 23:43

“Bir neçə ərəb dövləti də İsraillə diplomatik münasibətlər qura bilər”- BƏƏ-nin Xarici İşlər naziri

Birləşmiş Ərəb Əmirliklərindən (BƏƏ) sonra daha bir neçə ərəb dövləti İsraillə diplomatik münasibətlərin qurulması istiqamətində danışıqlar aparır.

Azərtac xəbər verir ki, bu bəyanatla BƏƏ-nin Xarici İşlər naziri Ənvər Qarqaş çıxış edib.

Nazir ABŞ-ın “Atlantic Council” düşüncə təşkilatına virtual müsahibəsində qeyd edib ki, digər ərəb dövlətləri bu danışıqların müxtəlif mərhələsindədir. “Regionumuz strateji parçalanmaya deyil, sabitliyə möhtacdır”, – deyə o vurğulayıb. Nazir əlavə edib ki, bütün ərəb dövlətlərinin İsraillə saziş bağlamasının əsas şərti Fələstin ərazilərinin ilhaqının dayandırılmasıdır. Yalnız belə olan halda regionda sülhə və sabitliyə nail olmaq mümkündür.

BƏƏ-nin naziri İsraillə münasibətlərin qurulmasının ABŞ-la strateji əlaqələrə də müsbət təsir edəcəyini söyləyib.