İranın ali dini lideri Ayətulla Əli Xameneyi televiziya efirində xalqa müraciətində  ABŞ-dakı prezidentliyə namizədlərin hamısını İranın düşmənləri adlandırıb.

APA-nın "Reuters" agentliyinə istinadən verdiyi məlumata görə, Ə. Xameneyi deyib ki, ABŞ prezidentliyinə namizədlərin hamısı İranı “qaralamağ”a çalışırlar və bu, düşmənçilik işarəsidir.

Ə. Xameneyi nüvə proqramı ilə bağlı sanksiyaların qaldırılmasına baxmayaraq, İranın hələ də əvvəlki kimi xarici bank və şirkətlərlə çalışmaq sahəsində çətinliklərlə üzləşdiyini də bildirib.  İranın ali dini lideri sanksiyaların yalnız "kağız üzərində qaldırıldığını" bəyan edib.