XƏBƏR LENTİ

18 Sentyabr 2020

Digər Xəbərlər

13 Sentyabr 2020 - 09:23

“Co Bayden iş qabiliyyətini yaxşılaşdıran çox təsirli preparatlar qəbul edir” –Donald Tramp

ABŞ prezidenti Donald Tramp güman edir ki, qarşıdakı prezident seçkilərində rəqibi Co Bayden iş qabiliyyətini yaxşılaşdıran çox təsirli preparatlar qəbul edir.

“Report” xəbər verir ki, bu barədə “Fox News” bildirib.

“Mən düşünürəm ki, ola bilsin, buna narkotiklər qarışdırılıb”, – Ağ Ev rəhbəri deyib. Lakin ABŞ prezidenti fikirləri ilə bağlı hər hansı fakt göstərməyib.

Daha əvvəl Tramp “Washington Examiner”ə müsahibəsində teledebatların keçirilməsindən əvvəl Baydeni qadağan edilmiş maddələrin istifadəsinə görə testdən keçməyi təklif edib. Tramp 2016-cı ilin prezident seçkiləri ərəfəsində də o zamankı rəqibi Hillari Klintona qarşı belə ittihamlar irəli sürüb. Öz növbəsində H.Klinton ittihamları rədd edib.

ABŞ-da prezident seçkiləri noyabrın 3-də keçiriləcək.