XƏBƏR LENTİ

25 Sentyabr 2020

Digər Xəbərlər

17 Sentyabr 2020 - 13:45

Navalnının komandası:"O, hava limanında deyil, otelin otağında zəhərlənib"

Aleksey Navalnının komandası onun hava limanında deyil, Tomskda qaldığı otelin otağında zəhərləndiyini iddia edib.

Bu barədə A. Navalnının “Instagram” səhifəsində bildirilib.

Qeyd olunub ki, otel otağındakı su butulkası ilə A. Navalnının təyyarədə yanında olan və analizlərdən sonra “Noviçok” qrupundan olan zəhərli maddənin izlərinin tapıldığı butulka eynidir.

Daha əvvəl A. Navalnının Tomskdan Moskvaya uçarkən hava limanında içdiyi çaydan zəhərləndiyi açıqlanıb.

Qeyd edək ki, Almaniya A. Navalnıdan götürülən nümunələr üzərində aparılan toksikoloji testlərdə “Noviçok” qrupuna aid olan sinir iflicedici maddənin izlərinin tapıldığını bəyan edib.

Xatırladaq ki, Rusiya müxalifətinin liderlərindən biri, “Gələcəyin Rusiyası” partiyasının sədri A. Navalnı avqustun 20-də təyyarə ilə Tomskdan Moskvaya uçarkən qəfildən halı pisləşib və təyyarə Omskda təcili eniş edib. O, zəhərlənmə şübhəsi ilə Omskda xəstəxanaya yerləşdirildikdən bir neçə gün sonra Berlinin “Charite” klinikasına aparılıb/APA.