XƏBƏR LENTİ

21 Oktyabr 2020
20 Oktyabr 2020

Digər Xəbərlər

01 Oktyabr 2020 - 10:45

İlon Mask COVID-19-dan peyvənd olunmaqdan imtina etdi

Koronavirusa görə məhdudiyyətlərə qarşı çıxan “Tesla” korporasiyasının sahibi İlon Mask vaksinin əlçatan olmasından sonra peyvənd olunmaqdan imtina edib.

“Report” xəbər verir ki, bu barədə “Daily Star” bildirib.

Biznesmen öz qərarını o və ailəsinin risk qrupuna aid olmaması ilə izah edib. Jurnalistlərdən biri “Tesla” korporasiyasının sahibinə viruisdan ölüm hallarının sayının arta biləcəyini xatırlatdıqda Mask bildirib ki, “hamı ölür”. “Bütün bunlar (epidemiya vəziyyəti-red) ümumiyyətlə insanların irrasionallığına görə mənim bəşəriyyətə inamımı azaltdı”, – sahibkar deyib.

Martın əvvəlində “SpaceX” və “Tesla” rəhbəri koronavirusa görə təlaşı kütbeyinlik adlandırıb. Sahibkarın “Twitter”də paylaşılan sözləri bəzi istifadəçiləri təəccübləndirib.

Mask avqustun sonunda planetin üçüncü ən zəngin insanı olub. Ekspertlərin məlumatına görə, avqustun 31-də biznesmenin sərvəti 111,3 milyard ABŞ dollarını ötüb.

Birinci yer əvvəlki kimi “Amazon” şirkətinin rəhbəri Ceff Bezosa məxsusdur. Onun sərvəti 200 milyard ABŞ dolları məbləğində qiymətləndirilir.