XƏBƏR LENTİ

21 Oktyabr 2020

Digər Xəbərlər

08 Oktyabr 2020 - 21:02

Dünyada daha çox tirajla satılan ən populyar smartfon “iPhone 11” seçilib- Hesabat

2020-ci ilin ikinci rübündə dünyada smartfonların satışı ötən illə müqayisədə 20,4 faiz azalaraq 294,7 milyon ədəd təşkil edib. Azalma koronavirus pandemiyası və iqtisadi böhran fonunda baş verib.

Bu barədə “ComprarAcciones” analitiklərinin hesabatında deyilir.

Belə ki, ən çox smartfon satan “Huawei” (ümumi satış həcminin 20 faizi) “Samsung” (19,5 faiz) və “Apple” (13,5 faiz) şirkətləri olub. Dördüncü yerdə öz subbrendləri ilə birlikdə Çinin “Xiaomi” şirkəti qərarlaşıb.

Bütün dünyada daha çox tirajla satılan ən populyar smartfon modeli bahalı “iPhone 11” (37,7 milyon ədəd) seçilib. İkinci yeri böyük fərqlə “Samsung Galaxy A51” (11,4 milyon ədəd) tutub. Üçüncü pillədə 11 milyon satılan “Xiaomi Redmi Note 8” yer alıb(azərtac).