XƏBƏR LENTİ

28 Noyabr 2020
27 Noyabr 2020

Digər Xəbərlər

05 Noyabr 2020 - 17:29

“Sepah” baş komandanının səfəri –Azərbaycanla həmsərhəd bölgəyə

İslam İnqilabı Keşikçiləri Korpusunun (İİKK) baş komandanı Azərbaycanla sərhəd bölgələrə səfər edib.

Strateq.az İRNA-ya istinadla xəbər verir ki, general-mayor Hüseyn Səlami səfər çərçivəsində ərazidəki cari vəziyyətlə tanış olub.

“Davamlı təhlükəsizlik “qırmızı xətt”imizdir və sərhədlərdə xalqımızın təhlükəsizliyinə və dincliyinə zərər verən hər hansı bir təhlükə qəbuledilməzdir”, – deyə o vurğulayıb.

Hüseyn Səlami bildirib: “Son toqquşmalara bitişik sərhəd bölgələrində müdafiə-təhlükəsizlik tədbirləri gücləndirililir”.

İİKK komandanı beynəlxalq sərhədlərin toxunulmazlığını vacib məsələ adlandırıb.

General Səlami Ərdəbil vilayətinin sərhəd bölgələrinə səfəri zamanı Araz çayı üzərindəki Mil-Muğan bəndinə baş çəkib. Sonra Aslanduz sərhəd məntəqələrində yerləşən hərbi qüvvələr və sərhəd gözətçiləri ilə də görüş keçirib.