XƏBƏR LENTİ

28 Noyabr 2020
27 Noyabr 2020

Digər Xəbərlər

18 Noyabr 2020 - 13:32

Pandemiya Avropa və Şimali Amerikada internet trafiki kəskin artırıb

Avropa və Şimali Amerikada internet trafiki ilin əvvəlindən 30-50%, video-konfrans trafiki 350-700%, DDoS hücumları 50%, oyun trafiki isə 100-150% artıb.

APA-Economics”in məlumatına görə, bu barədə “Nokia”nın illik hesabatında (“Network Intelligence Report”) deyilir.

“Mart-aprel aylarından COVID-19 infeksiyası fonunda təcridetmə tədbirləri tətbiq olunduqdan sonra istehlakçı və biznes davranışları interneti dəyişdirib. Belə ki, Avropa İttifaqında mart ayında tətbiq olunan təcridetmə zamanı “WhatsApp” tətbiqinin trafiki 609% artıb, platformadan asılı olaraq, video-konfransların trafiki 350-700%, “Skype” – 304%, “PlayStation” – 170%, “Netflix” – 58%, “Facebook” – 27%, “YouTube” trafiki isə 13% artıb”, – hesabatda qeyd olunub.

Pandemiya dövründə həmçinin, DDoS trafikinin də 40-50% artdığı qeyd olunur.

Hazırda genişzolaqlı şəbəkə əhəmiyyətli dərəcədə vacib xidmət olduğundan, şəbəkə infrastrukturunu və xidmətlərini qorumaq olduqca vacib amilə çevrilir.