XƏBƏR LENTİ

10 Mart 2021

Digər Xəbərlər

10 Yanvar 2021 - 22:57

Tramp Konqresdəki müttəfiqlərinə çağırış etdi:"İmpiçment məsələsini dayandırın"

ABŞ-ın hazırkı prezidenti Donald Tramp və baş məsləhətçisi Jared Kuşner Konqresdəki müttəfiqlərinə müraciət edərək mümkün impiçment məsələsini dayandırmağa çağırıblar.

Konqresdə Trampa qarşı impiçmentin qaldırılmasında məqsəd daha çox onun gələcəkdə yenidən prezidentliyə namizəd olmasını qadağan etmək istəyidir.

Qəzetin yazdığına görə, hazırda Tramp və Kuşnerin bu çağırışlarının nəticə etibarı ilə uğur qazanıb-qazanmayacağı bəlli deyil.

Bu arada Respublikaçıların kiçik bir qrupu yeni seçilmiş prezident Cozef Baydenə impiçmentin qarşısını almağa çalışması üçün məktub təqdim edib. Bu müraciəti şərh edən Baydenin mətbuat xidməti mümkün impiçmentlə bağlı qərarın Konqresdəki qanunvericilər tərəfindən verilməli olduğuna dair yeni seçilmiş prezidentin sözlərini xatırladıb.

Qeyd edək ki, Trampın Kapitoliydakı və partiyadaşları arasındakı qarışıqlıqla əlaqədar tənqid olunmasına baxmayaraq, ABŞ Nümayəndələr Palatasında impiçmentin əleyhinə olan konqresmenlər var. 

Xatırladaq ki, cümə günü alt palatadakı Respublikaçı azlıqların lideri Kevin Makkarti Trampın səlahiyyət müddətinin sona çatmasına 12 gün qalmış impiçment elan edilməsinin ölkənin bölünməsini daha da dərinləşdirəcəyini vurğulamışdı. /APA