XƏBƏR LENTİ

06 Mart 2021
05 Mart 2021

Digər Xəbərlər

29 Yanvar 2021 - 23:30

Xüsusi elçinin gizli təması –İranla saziş müzakirə olunub

ABŞ-ın İran üzrə xüsusi elçisi İngiltərə, Fransa və Almaniyanın yüksək vəzifəli şəxsləri ilə 2015-ci ilin İranla nüvə sazişini müzakirə edib.

Strateq.az “Reuters”-ə istinadla xəbər verir ki, məlumatı 2 diplomatik mənbə təsdiqləyib.

ABŞ elçisi Robert Malli İngiltərə, Fransa və Almaniya XİN-lərinin siyasi direktorları ilə söhbət edib.

Mənbələr söhbətin məzmunu barədə daha ətraflı məlumat verməyiblər.

Rəsmi olaraq Birgə Hərtərəfli Fəaliyyət Planı (JCPOA) adlanan nüvə sazişi ABŞ Prezidenti Donald Trampın 2018-ci ildə müqavilədən imtinası ilə birtərəfli olaraq qüvvədən salınıb. ABŞ-ın İrana qarşı sanksiyalarını yenidən bərpa edib və bundan sonra Tehran sazişin şərtlərini pozmağa başlayıb.

Ağ Evin milli təhlükəsizlik müşaviri Ceyk Sallivan bu gün bir düşüncə mərkəzinə deyib ki, prezident Bayden üçün atom silahına yaxınlaşan İranla böyüyən nüvə probleminin həlli çox vacib məsələdir.

Bayden bildirib ki, Tehranın anlaşmaya qayıtması halında, Vaşinqton da eyni addımı atacaq.

Köməkçilərinin sözlərinə görə, ABŞ lideri “daha ​​uzun müddərli və daha güclü bir razılaşma”, İranın ballistik raketləri inkişaf etdirməsi, İraq, Suriya, Yəmən və digər yerlərdə vəkillərə dəstəyi dayandırması kimi məsələlərlə ciddi məşğul olacaq.