XƏBƏR LENTİ

10 Mart 2021

Digər Xəbərlər

13 Fevral 2021 - 21:27

ABŞ Senatı Donald Trampın impiçmenti üzrə dinləmələri davam etdirir

ABŞ Senatı ölkənin sabiq Prezidenti Donald Trampın impiçmenti üzrə dinləmələri bərpa edib.

Azərtac ABŞ telekanallarına istinadla xəbər verir ki, prosesdə iştirak edən tərəflər artıq öz mövqelərini ortaya qoyublar. Onlar şənbə günü yekun çıxışlarını edəcəklər. CNN telekanalının hesablamalarına görə, impiçment üzrə final səsverməsinin yerli vaxtla 15:00-da (Bakı vaxtı ilə 00:00) başlayacağı gözlənilir.

Donald Tramp qiyama təhrikdə ittiham edilir. Yanvarın 6-da onun tərəfdarları Kapitoli binasına soxularaq Cozef Baydenin qələbə qazandığı prezident seçkilərinin nəticələrinin təsdiqinə müvəqqəti mane olublar.

Qeyd edək ki, Donald Trampın impiçmenti üçün 100 senatorun 67-nin səsi lazımdır, lakin hələlik buna nail olunmayıb.

Tramp ABŞ tarixində Konqresin aşağı palatası tərəfindən haqqında iki impiçment qərarı çıxarılmış ilk prezidentdir. Analitiklərin əksəriyyətinin fikrincə, sabiq dövlət başçısı bu dəfə də bəraət qazanacaq.