XƏBƏR LENTİ

10 Mart 2021

Digər Xəbərlər

21 Fevral 2021 - 15:09

İran Ukrayna təyyarəsinin vurulması ilə bağlı istintaqı başa çatdırıb –Nəticə

İran Hərbi Prokurorluğu keçən il yanvarın 8-də Tehran yaxınlığında Ukrayna təyyarəsinin vurulması ilə bağlı istintaqı başa çatdırıb.

Yaxın vaxtlarda cinayət işi məhkəməyə təqdim edilməlidir.

İstintaq təyyarənin vurulmasında 9 nəfəri şübhəli şəxs sayıb. Onların arasında ali rütbəli hərbi komandirlər də var. Hadisə ilə bağlı hazırda yalnız bir nəfər həbsdədir.

Məhkəmə iclasının açıq keçirilib-keçirilməyəcəyi hələ məlum deyil.

Qeyd edək ki, Ukraynaya məxsus “Boeing 737” tipli sərnişin təyyarəsinin keçən il yanvarın 8-də Tehranın İmam Xomeyni adına beynəlxalq hava limanında qəzaya uğraması ilə bağlı məlumat yayılıb. Hadisə nəticəsində təyyarənin göyərtəsində olan 176 nəfərin hamısı həlak olub. Daha sonra isə  İran Silahlı Qüvvәlәrinin Baş Qәrargahı Ukraynaya mәxsus tәyyarәnin sәhvәn vurulduğunu bəyan edib. Bәyanatda qeyd olunmuşdu ki, İranın İraqda ABŞ hәrbi bazasına hücumu vaxtı vә sonrakı saatlarda ABŞ hәrbi tәyyarәlәrinin uçuşları artıb və İranın İmam Xomeyni hava limanından havaya qalxan tәyyarәnin qәfil dönüş etmәsi İran İslam İnqilabı Keşikçilәr Korpusunun hәssas mәkanlarına hücum kimi qiymәtlәndirilib. İran Silahlı Qüvvәlәri Baş Qәrargahı baş verәn hadisә ilә әlaqәdar insan xәtasına görә üzr istәyib. /APA