XƏBƏR LENTİ

10 Mart 2021

Digər Xəbərlər

23 Fevral 2021 - 22:18

Ermənistanda aksiya:Paşinyanın istefasını tələb edən etirazçılardan 25 nəfəri saxlanılıb

İrəvanda Baş nazir Nikol Paşinyanın istefası tələb ilə keçirilən etiraz aksiyasının iştirakçılarından 25 nəfəri polis tərəfindən saxlanılıb.

“Sputnik Armenia”nın verdiyi xəbərə görə, saxlanılanlar polis bölməsinə aparılıb.

Səhər saatlarında çox sayda polis qüvvələri İrəvanda Respublika meydanının və hökumət binasının ətrafına yeridilib, Nazirlər Kabinetinin 1 və 3 saylı binalarının ətrafında polis sədləri çəkilib. Etiraz aksiyasına baxmayaraq, N. Paşinyan 3 saylı binaya daxil olub.

Qeyd edək ki, fevralın 22-də “Vətənin xilası naminə” hərəkatı hökumət binasının korpuslarına bütün girişləri bağlayacağını açıqlayıb. “Daşnaktsütyun”un nümayəndəsi Geqam Manukyan müxalifətin binaya hücum etməyi planlaşdırmadığını bildirib. O deyib ki, məqsəd hakimiyyətin müxalifətdən qorxduğunu nümayiş etdirməkdir/APA.