XƏBƏR LENTİ

10 Mart 2021

Digər Xəbərlər

22 May 2016 - 12:50

Konsertdə atışma:3 ölü, 11 yaralı

Dünən gecə saatlarında Avstriyanın Nentsinq şəhərindəki konsert meydançasında atışma baş verib.

27 yaşındakı kişinin ətrafdakılara tapançadan açdığı atəş nəticəsində 3 nəfər ölüb, 11 nəfər yaralanıb. Atəş açan şəxs polis gələnədək intihar edib.

Hüquq mühafizə orqanlarının məlumatına görə, konsert meydançasında bir kişi və qadın arasında mübahisə düşüb. Sonra həmin kişi meydançanın yaxınlığında park etdiyi avtomobilindən silah götürərək geri qayıdıb və onu dövrəyə alan adamlara atəş açmağa başlayıb. Mübahisənin iştirakçısı olan qadın zərər çəkməyib.

Polis hadisə yerində istintaqı davam etdirir. İnsidentə gətirib çıxaran səbəblər hələlik açıqlanmayıb(azərtac).