XƏBƏR LENTİ

08 Avqust 2020
07 Avqust 2020

Digər Xəbərlər

18 İyun 2015 - 14:54

Mixail Xodorkovski: “Putin hakimiyyətdə olduqca, Rusiya ilə yaxınlaşma mümkün deyil”
“Rusiya ilə Ukrayna arasındakı münaqişə uzunmüddətlidir və rusiyalıların fikrini korrupsiya və bacarıqsızlıqdan yayındırmaq üçün Qərblə uydurulmuş münaqişənin tərkib hissəsidir”.
Bunu Vladimir Putinin qatı tənqidçilərindən olan Mixail Xodorkovski iyunun 17-də Vaşinqtonun beyin mərkəzi olan Atlantika Şurasındakı çıxışında deyib.
Xodorkovski bildirib ki, nə qədər Vladimir Putin hakimiyyətdədir, Rusiya ilə real yaxınlaşma mümkün deyil, çünki Rusiyada hər şey onun əlindədir.
Amma o, qeyd edib ki, Putindən sonra Rusiyanı qərbyönümlü görür və ABŞ-la Qərb onu öz sıralarına qəbul etməyə hazır olmalıdır.
Xodorkovski bildirib ki, Rusiya-Ukrayna münaqişəsi Şimali və Cənubi Koreyanın bölünməsi kimi uzun sürə bilər. O, bu münaqişənin dondurulmasının yeganə ağılabatan gözlənti olduğunu vurğulayıb.
Xodorkovski deyib ki, Vaşinqton Ukrayna münaqişəsi ilə məşğul olmalı, amma Ukraynaya silah verməməlidir. çünki rusiyalıların əksəriyyəti düşünür ki, artıq ABŞ-la Rusiya arasında münaqişə mövcuddur və əgər silah göndərilsə, vəziyyət münaqişəyə doğru gedə bilər.
Xodorkovski qeyd edib ki, belə bir sual yaranır: “ABŞ münaqişə və qələbəyə hazırdırmı? çünki əgər ABŞ buna hazır olmasa, bu, məğlubiyyət kimi qələmə veriləcək”.
azadliq.info