XƏBƏR LENTİ

06 Avqust 2020
05 Avqust 2020

Digər Xəbərlər

03 Sentyabr 2016 - 19:26

Prezident öz ölüm xəbərini belə təkzib etdi:"Hə, mən ölmüşdüm, sonra dirildim"

Zimbabve

Zimbabve prezidenti Robert Muqabe ölümü haqda yayılmış şayiələri lağa qoyaraq deyib ki, ölübmüş, amma yenidən dirilib.

92 yaşlı Muqabe bu sözləri Harare hava limanında təyyarədən enərkən bəyan edib.

Təyyarənin uçuş marşrutu materialları onun Şərqi Asiyaya uçduğunu göstərsə də, təyyarə Dubaya uçmuşdu. Cənab Muqabe deyib ki, səfərə ailə məsələləri ilə bağlı çıxıbmış.

Ötən may ayında Muqabenin arvadı demişdi ki, onun əri hətta qəbirdən də ölkəni idarə edəcək.

Z2

Xəbər agentliklərinin təyyarənin uçuş məlumatını diqqətlə öyrənməsinə səbəb Muqabenin ciddi səhhət problemlərinin olduğu barədə şayiələrin yayılması ilə əlaqədar idi.

"The Southern Daily" internet saytı yazmışdı ki, “Robert Muqabenin beyninə qan sızıb və ölkəyə indi keçid prezidenti Mananqaqva rəhbərlik edir”.

Emmerson Mnanqaqva vitse-prezidentdir.

"Reuters" agentliyinin xəbərinə görə, cənab Muqabe hava limanında müxbirlərə yerli şona dilində deyib: “Mən uşaqlarımdan birinin işi ilə bağlı Dubaya getmişdim”. Lakin o, növbəti israrlı suallara daha yumorlu cavab verib: “Hə, mən ölmüşdüm, düz sözümdür. Sonra həmişə olduğu kimi, dirildim. Mən hər dəfə ölkəmə qayıdan kimi, reallaşıram”. 

Robert Muqabe Zimbabveyə 1980-ci ildən hökmdarlıq edir və bəyan edib ki, 2018-ci ildə yenidən prezident olmağa namizədliyini verəcək.

Dünya mediası ölkədə meydan sulayan korrupsiyadan və iqtisadi böhrandan yazır.

Ölkədə tez-tez etiraz aksiyaları keçirilir. Ötən həftə polis etiraz aksiyalarını iki həftəlik qadağan edib.

Bundan əvvəl Muqabe hökuməti əhalinin aclıq çəkdiyi bir şəraitdə prezidentə dəbdəbəli ad günü keçirdiyinə görə tənqid edilmişdi.

(Azadlıq.org)