XƏBƏR LENTİ

11 Avqust 2020

Digər Xəbərlər

25 Sentyabr 2016 - 10:07

İŞİD Mosulu yandırmaqla hədələyir –Şəhərin ətrafı yanacaq çənləriylə müdafiə olunur

isid-mosul

İtirməkdə olduğu əraziləriə nəzarəti əldə saxlamağa çalışan İŞİD "Xilafət" elan etdiyi paytaxtı İraq qüvvələrinə təslim etməkdənsə, şəhəri odlu cəhənnəmə döndərib.

ABŞ-ın ordu rəsmiləri İŞİD-in Mosulu mürəkkəb bir müdafiə şəbəkəsinə çevirdiyini bildirir.

Pentaqonda müxbirlərlə görüşü zamanı polkovnik Con Dorian deyib ki, İŞİD yer üzündə özünə cəhənnəm yaradır.

Bağdaddan video vasitəsi ilə müxbirlərin suallarını cavablandıran Dorrian planlara şəhər ətrafında yanacaqla dolu səngərlər salınması və beləliklə, İraq qüvvələrinin irəliləməsinə yanğınlar törətməklə mane olunmasının daxil olduğunu deyib.

İŞİD məktəblər, xəstəxanalar, məscidlərə hücum etməklə mülki əhaliyə qarşı vəhşi davranış nümayiş etdirir. Qrup partlayıcılarla dolu yeraltı tunnellər qazmaqla koalisiya qüvvələrinin dəstəklədiyi döyüşçülərin irəliləməsinə mane olacaq.

ABŞ və İraq ordusunun rəsmiləri İraq qüvvələrinin Mosula irəliləyişi ilə İŞİD-in zəiflədiyinə dair əsaslı dəlillər ortaya çıxdığını bildirir. Dorian bildirib ki, qrupun artıq irəliləyişlərə mane olmaq qabiliyyəti tükənib.

Bir neçə ay əvvəl İŞİD-in Mosul ətrafında 10 mindən artıq döyüşçüsü var idisə, hazırda onların sayının yarıya endiyi bildirilir. Rəsmilər qrupun liderləri və bir sıra döyüşçüsünün Mosuldan Raqqaya qaçdığını deyir.

ABŞ və Qərbin kəşfiyyat orqanları İŞİD yaraqlılarının müllki əhali arasına qarışacağından və qrupun qara bazar və qaçaqmalçılıq yolu ilə xarici döyüşçüləri Suriya və İraqa gətirəcəyindən ehtiyat edir.

Pentaqon rəsmiləri uzun zamandır Mosulun geri alınması üçün hər birində 3 min əsgər olmaqla 8-12 briqadaya, Kürdüstan Peşmərgə qüvvələri və polis birləşmələrinə ehtiyac olduğunu vurğulayırdı. Dorian bu qüvvələrin hazır olduğunu deyərək, onların Populyar Səfərbərlik Qüvvələri tərkibində döyüşəcəyini deyib.

Amerikaninsesi.org