Mən Çin və Rusiya üçün bütün ticarət və kommersiya yollarını açmağa hazıram.

Bunu jurnalistlərə açıqlamasında Filippin Prezidenti Rodriqo Duterte söyləyib.

O, ABŞ-la münasibətlərin bir daha əvvəlki səviyyəyə qayıtmayacağını bildirib.

Qeyd edək ki, bundan öncə ABŞ-ın Filippində insan haqlarının pozulmasını tənqid etməsinə Duterte sərt cavab verib. O, çıxışında ABŞ Prezidenti Barak Obamanı təhqir edib. Bundan sonra tərəflər arasında münasibətlər daha da kəskinləşib.

Filippin ABŞ-ın əsas hərbi müttəfiqlərindən hesab edilir. Tərəflər arasında keçən əsrin əllinci illərində imzalanan razılaşmaya əsasən, üçüncü ölkənin Filippinə hərbi müdaxiləsi olacağı təqdirdə Vaşinqton rəsmi Manilaya hərbi dəstək verəcək.  (APA)