XƏBƏR LENTİ

03 Avqust 2020
02 Avqust 2020

Digər Xəbərlər

29 Sentyabr 2016 - 10:37

İraq Baş naziri:"ABŞ qüvvələri Mosulun azad edilməsində çox önəmli fiqur olacaq"

usa

ABŞ Prezidenti Barak Obama Mosul şəhərinin İŞİD-dən azad edilməsi üçün İraqa əlavə 600 hərbçi göndərməyə qərar verib.

Bu hərbçilər İraq ordusuna təlim və planlama sahəsində dəstək verəcək. Onlar arasında xüsusi təyinatlıların olub-olmayacağı isə dəqiq bilinmir.

İraqın Baş naziri Heydər Abadi ABŞ mətbuatında yayılan xəbərlərə münasibət bildirib. O, ABŞ qüvvələrinin Mosulun azad edilməsində çox önəmli fiqur olacağını bildirib.

Qeyd edək ki, ABŞ Müdafiə naziri Eşton Karter bir neçə gün əvvəl verdiyi açıqlamasında Mosulun İŞİD-dən alınması üçün rəsmi Bağdada hər cür yardım ediləcəyini demişdi.

Pentaqonun açıqlamalarına görə, hazırda ABŞ-ın İraqda 4600 hərbçisi var.

ABŞ-dan əlavə beynəlxalq koalisiya qüvvələrinin də İraq ordusuna dəstək verəcəyi gözlənilir.

Əməliyyatlara türkmanların taleyi baxımından Türkiyə də qatılmaq istəyir. Lakin Başika qalmaqalından sonra İraq Türkiyənin əməliyyatlarda iştirakına isti baxmır.

Mosulun İŞİD-dən təmzilnməsi üçün 15 min yerli döyüşçü əməliyyatlara cəlb ediləcək. Onlar əməliyyatlar bitdikdən sonra şəhəri tərk etməyəcək, buradakı təhlükəsizlikdən cavabdeh olacaq.

İraq ordusundan isə 20-25 min hərbçinin Mosul əməliyyatında iştirakı gözlənilir.

Qeyd edək ki, hazırda Mosul şəhərində 2 milyon əhali yaşayır. Əməliyyatlar zamanı əhali şəhəri tərk etsə, ciddi problemlər yaşanacaq. Mərkəz böyük insan köçü yaşanmasını istəmir. Bu səbəbdən Mosul üçün fərqli plan cızılıb. (Axar.az)