XƏBƏR LENTİ

04 Avqust 2020
03 Avqust 2020

Digər Xəbərlər

05 Oktyabr 2018 - 08:46

Rusiya imperatorunun mühafizəçisi olmuş azərbaycanlılar –Qafqaz eskadronu haqqında kitab nəşr olunub (FOTOLAR)  

 

Foto: Rusiya imperatorunun konvoyunun tərkibində olan azərbaycanlılar: Mərkəzdə qılıncını yerə dayayaraq oturmuş zabit Rzaqulu xan Mirzə Qacardır. 1867-69-cu illər.

 

Moskvada Eldar İsmayılovun “Azərbaycanlılar rusiyalı imperatorların konvoyunda” kitabı nəşr edilib.

Monoqrafiya imperator həzrətlərinin bölmələrindən birinin – 1839-cu ildə formalaşmış və 1856-cı ildə Leyb-Qvardiyanın Qafqaz eskadronunun 4-cü taqımına (müsəlman) yenidən formalaşdırılmış konvoyun (müsəlmanların komandası) tarixi, ənənələri, dislokasiyası, seçim prinsipləri və şəxsi heyətindən bəhs edir.

1881-ci ildə Leyb-Qvardiyanın Qafqaz eskadronu ləğv edilənə qədər 42 il boyunca rus qvardiyasının bu bölməsində azərbaycanlılar xidmət keçib. Kitabın mühüm hissəsini zabitlər haqda bioqrafik oçerklər, komandada xidmət keçən aşağı rütbəlilər, həmçinin müsəlmanların taqımına dair bilgi yer alıb. Bu bölmələrdən rus ordusunun zabitləri sırasına 200-dən çox aşağı rütbəli zabit göndərilib.

Yeni tarixi kitabda 100-ə yaxın unikal illüstrasiya təqdim edilib. Bunlar Rusiya və Azərbaycanın arxiv və muzeylərində aşkar edilib. Onların çoxu ilk dəfə dərc edilir.

Kitab “Qədim Seyxhauz”un kitabxanası” tarixi seriyasından dərc edilib. Tirajı 1000 nüsxədir.

Moskvada yaşayan E.İsmayılov 2010-cu ildə dərc edilmiş “Rusiya imperiyasındakı Qacarlar evindən olan Fars şahzadələri” və “Georgiyev kavalerləri -azərbaycanlılar (2005) kitablarının müəllifidir. (Turan)