XƏBƏR LENTİ

06 Mart 2021
05 Mart 2021

Digər Xəbərlər

11 Fevral 2021 - 23:20

“Azərbaycan dilində durğu işarələri sistemi” kitabı nəşr olunub

Nəsimi adına Dilçilik İnstitutunda “Azərbaycan dilində durğu işarələri sistemi” kitabı nəşr olunub.

Kitabın elmi redaktorları institutun direktoru, akademik Möhsün Nağısoylu, dosent Təhminə İsmayılova, rəyçiləri professorlar Zemfira Şahbazova və Mahirə Hüseynovadır. Nəşrin buraxılışına məsul professor İsmayıl Kazımovdur.

İnstitutdan Azərtac-a bildirilib ki, müəlliflər kollektivi tərəfindən nəşrə hazırlanan kitabda “Azərbaycan dilində durğu işarələri: qayda və prinsipləri”, “Durğu işarələrinin estetikası”, “Durğu işarələrinin tədrisi məsələləri”, “Mətbuatda durğu işarələrinin işlənmə məqamları”, “Elmi mətnlərdə durğu işarələri”, ”Durğu işarələrinin yazıda işlənməsi məqamları” kimi məsələlər nəzərdən keçirilib.

Kitabdan ümumtəhsil məktəblərinin müəllim və şagirdləri, universitet tələbələri, professor-müəllim heyəti və mətbuat işçiləri istifadə edə bilərlər.