XƏBƏR LENTİ

10 Avqust 2020
09 Avqust 2020

Digər Xəbərlər

07 İyun 2016 - 01:27

Şəmil Sadiqin “Odərlər”i Almaniyada –Kitab Frankfurtda nümayiş etdiriləcək

oder

Azərbaycanlı gənc yazıçı Şəmil Sadiqin Azərbaycan və Türkiyədə nəşr olunan “Odərlər” romanı bu dəfə alman dilinə tərcümə edilib. Roman Almaniyada “O biri dünyanın yolçuları” adı ilə "Edition Winterwork" nəşriyyatında dərc olunub.

Strateq.az Senet.az-a istinadən xəbər verir ki, roman almaniyalı filoloq K.H. Kiehl tərəfindən alman dilinə tərcümə edilib.

Bugünkü Türk dünyasının haqqında bir çox məsələləri axıcı dillə oxuculara çatdıran romanın Almaniya mütaliəsevərləri üçün tanıtım yazısının müəllifi isə bu ölkədə yaşayan və Almaniya Yazarlar Birliyinin üzvü yazıçı Orhan Arasdır. Almaniya oxucusunun bir neçə ildir ki, Azərbaycan ədəbiyyatı ilə bağlı məlumat əldə etməyə başladığını və nəşr olunan bu kitabların bir başlanğıc olduğunu deyən Orhan Aras, iki ölkə arasında əlaqələr inkişaf etdikcə, ədəbi fəaliyyətlərin də artacağını qeyd edib.

“Odərlər” romanını alman dilində nəşr edən "Edition" nəşriyyatının müdiri Winter bəy isə verdiyi açıqlamada romanın Almaniyanın milli və əyalət kitabxanalarına göndəriləcəyini, bundan başqa Almaniya, İsveçrə, Avstriya kimi almancanın danışıq dili olduğu ölkələrdə də kitab evlərində satışa göndəriləciyini, həmçinin Amazon, ebay, Weltbild kimi bütün önəmli internet portallarında kitabın satılacağını bildirib.

Kitab bu il Frankfurt kitab sərgisində də nümayiş etdiriləcək.