XƏBƏR LENTİ

15 Avqust 2020
14 Avqust 2020

Digər Xəbərlər

14 İyul 2015 - 07:09

Tatyana Baymunduzova: “Mən şəcərəyə-filana inanmıram”

1977-ci ildə Altay diyarında anadan olub. Yeni nəsil Altay ədəbiyyatının aparıcı nümayəndələrindən biridir. Ardıcıl olaraq Rusiya mətbuatında şeirlərilə çıxış edir.

Bu uşaq şeiri sevmir və anlamır, eyni zamanda

Bircə sözü var: “cəhənnəmə ki!”

Mən də elə buna görə onu sevirəm

və demək olar, nifrət edirəm şeirə.

Onunla danışmağa söz tapmıram.

Ancaq bu elə də vacib deyil

Başımda dairələr,

Ki – no – E şəcərə ağacı kimi qarışıqdır beynim.

Amma bu da mühüm deyil,

Mən onun hərəkətlərini rahatlıqla izləyirəm.

O, mənimlə oynayır, sözlüklərdə olmayan sözlərlə,

Yəni məndən asılı deyil.

Sözlər, zibilliklər, müharibələr

Bu oyunda heç kim heç kimə “cəhənnəmə ki” – demir.

Bu axşam Ki – no – E – nin yaddaşına köçəcəyik.

Cinsiyyətin müəyyən edilməsimi?

Yox, xahiş edirəm, məni qarışdırmayın!

Mən şəcərəyə – filana inanmıram.

Hər şey eyni olur, bu qədər sıxıcı olmayın,

Amma yox, siz məndən daha ağıllısınız axı,

Birdən inciyərsiniz sözümdən.

Mən artıq şeir yazmayacağam, bu belə bilinə,

sən bir – iki yaxşı film məsləhət gör baxmağa.

Ağaclardan payızın ətri duyulur,

beynim uğuldayır kükrəyən dağ seli kimi,

Ona görə sözlərimə çox da fikir verməyin.

O da Ki – No – e – dən heç nə anlamayıb hələ ki,

Bu halı isə daha çox xoşuma gəlir…