“Göz yaşlarımı udmuşam, heç kim bilməyib”

Əhməd Emin Atasoy 1944- cü ildə Bolqarstanda doğulub. 1968-ci ildə Sofiya Universitetinin türk filologiyası fakultəsini bitirib. Şair, tərcüməçi və araşdırmaçıdır. Şeirləri, araşdırmaları və tərcümələri müntəzəm olaraq bolqar və türk mətbuatında dərc olunub. 1989-cu ildən etibarən Türkiyədə ədəbi fəaliyyətini davam etdirir. İndiyə qədər 20-dən artıq kitabı çap olunub.

çağdaş bolqar ədəbiyyatının tanınan isimlərindən olan Əhməd Emin Atasoyun poeziyasından bir örnəyi oxucularımıza təqdim edirik:

Susuzluq

O qədər susuz qalmışam ki,

Bilirəm nələr çəkdiyini quru bir budağın,

Qovrulub, yanıb bişən sarı yarpağın.

O qədər susuz qalmışam ki,

Yaşadım səhraların ilğımlı ağrılarını,

Dilim – dilim dilimlənən çöllərin sancılarını.

O qədər susuz qalmışam ki,

çatlayan dodaqlarımla çəkmişəm canıma tərimi.

Göz yaşlarımı udmuşam heç kim bilməyib.

O qədər susuz qalmışam ki,

ürəyim getdi, özüm də bilmədən çox vaxt.

Qanımı içmişəm, qurudub damarlarımı.

Və hələ də susuzam,

Qupquru bir quyunun dibini görürəm.

Həmişə o susuzluğu hiss edirəm bütün bədənimdə.