XƏBƏR LENTİ

27 Sentyabr 2020
26 Sentyabr 2020
25 Sentyabr 2020

Digər Xəbərlər

07 Oktyabr 2016 - 21:00

Prezident İlham Əliyevin üzərində dayandığı 4 mühüm istiqamət –Politoloqdan şərh

elxan-sahinoglu-esas

Azərbaycan prezidenti İlham Əliyev oktyabrın 7-də Nazirlər Kabinetinin 2016-cı ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasındakı çıxışında müxtəlif mövzulara toxunub.

Strateq.az xəbər verir ki, “Atlas” Araşdırmalar Mərkəzinin rəhbəri, politoloq Elxan Şahinoğlunun sözlərinə görə, bunlardan 4-ü üzərində xüsusi dayanmağa ehtiyac var:

"- İqtisadi vəziyyət;
– Avropa İttifaqı ilə münasibətlər;
– Referendum;
– Dağlıq Qarabağ münaqişəsi;".

Politoloqun sözlərinə görə, İlham Əliyev birinci mövzu üzrə danışarkən Azərbaycanda iqtisadi islahatların uğurla həyata keçirildiyini konkret misallarla qeyd edib:

"Çıxışın əsas qayəsi bu idi ki, ətraf toz-duman içində olarkən, bölgədə qeyri-sabitlik var ikən Azərbaycanda davamlı sabitlik hökm sürür. Azərbaycan post-neft dövrünə qədəm qoysa da, iqtisadiyyyatda ciddi təlatümlər gözlənilmir.

Prezidentin “hesab edirəm ki, 2016-cı ildə nəticələr bütövlükdə yaxşıdır, biz yaxşı işləmişik. Son illər ərzində 2016-cı il ölkə iqtisadiyyatı üçün ən çətin, ağır ildir. Ancaq qeyd etdiyim kimi, biz yenə də inkişaf yolu ilə gedirik və gedəcəyik” fikri də bundan xəbər verir".

Elxan Şahinoğlunun sözlərinə görə, Prezident ənənəvi olaraq Avropa İttifaqının miqrant siyasətini tənqid edib:

"Dövlət başçısı Qərb ölkələrini Yaxşı Şərq ölkələrinə müdaxilədə günahlandıraraq indiki qeyri-sabitlyin səbəbkarı kimi də həmin dövlətlərə işarə vurdu. Qərb ölkələrində radikal partiyaların reytiqnlərinin artdığına da diqqəti çəkən İlham Əliyev sivilizasiyalararası qarşıdurmasının dərinləşəcəyini bildirdi. İlham Əliyevin çıxışının bu hissəsində səsləndirdiyi ritorik “biz hara inteqrasiya etməliyik”, “biz hansı Avropaya inteqrasiya etməliyik” sualları ondan xəbər verir ki, rəsmi Bakı Avropa ilə münasibətlərdə məsafəni qoruyacaq.

“Biz bu əməkdaşlığa meyilliyik. Amma biri var əməkdaşlıq, biri də var inteqrasiya” – deyən prezident Azərbaycanın Avropa İttifaqı ilə inteqrasiyaya yox, qarşılıqlı faydalı əməkdaşlığa üstünlük verir. Buna misal olaraq Azərbaycan hökuməti ilə Avropa Komissiyası arasında tərəfdaşlıq formatının müəyyənləşməsi üzrə danışıqlarını göstərmək olar.

İlham Əliyev referendumun nəticələri haqqında danışarkən xalqın dəstəyini aldıqlarını dedi. Müşahidə aparan beynəlxalq qurumların, xüsusilə Avropa Şurası Parlament Assambleyasının nümayəndələrinin referenduma çox yüksək qiymət verdiyini xatırladan dövlət başçısı indiki siyasətə alternativin olmadığını, alternativ siyasətin ölkəni fəlakətə aparacağını bildirdi.

İlham Əliyevin Avropa Parlamenti ilə bağlı fikirləri isə iki hissədən ibarət idi.

Birinci hissədə dövlət başçısı Dağlıq Qarabağ münaqişəsi ilə bağlı Avropa Parlamentinin ədalətli mövqe nümayiş etdirdiyini dedi. Ancaq İlham Əliyev ötən il Azərbaycan əleyhinə qəbul etdiyi qətnaməyə görə rəsmi Bakının Avropa Parlamenti ilə münasibətləri dondurduğunu xatırlatdı. Buna baxmayaraq, İlham Əliyev Avropa Parlamentinin geri addım atdığını və Azərbaycanla dialoqu genişləndirməyi istədiyini bildirərək, bu çağırışa müsbət cavab verdiklərini dedi".

Prezident İlham Əliyevin ABŞ-ın dövlət katibi Con Kerrinin adını çəkmədən onun “hər iki tərəf günahkardır, tərəflər buna hazır deyil, bu məsələ Fələstin-İsrail münaqişəsindən də mürəkkəbdir” fikrini tənqid etməsinə gəlincə, politoloq deyir ki, bu çıxışda Qarabağ danışıqlar haqqında vacib detala da toxunulub. Belə ki, dövlət başçısı “Bağlı qapılar arxasında nə qədər söhbətlər gedir, bizə nə qədər təzyiqlər göstərilir ki, Azərbaycan Dağlıq Qarabağın müstəqilliyinə razılıq versin”, – deyərək, ABŞ tərəfindən təzyiqlə üzləşdiklərinə işarə vurub:

"Ancaq İlham Əliyev Qarabağla bağlı çıxışının bir hissəsində ad çəkmədən Rusiyadan da narazı qaldığını bildirdi.

“Ermənistanın böyük himayədarları var, biri ona pul, biri silah verir, biri lobbi yaradır, biri təbliğ edir. Bax, budur məsələnin həll olunmamasının səbəbi” – dedi İlham Əliyev. Bu cümlədə ən çox Rusiyaya “pay” düşür. Çünki, Ermənistana silah və pul verən əsas ölkə məhz Rusiyadır. İlham Əliyevin çıxışının bu hissəsində son sözü bu oldu ki, təzyiqlərə rəğmən, Azərbaycan Qarabağ məsələsində heç bir güzəştə getməyəcək".

F.ƏHMƏD