XƏBƏR LENTİ

26 Noyabr 2020
25 Noyabr 2020

Digər Xəbərlər

19 Dekabr 2016 - 23:10

“Bu, heç bir halda terrorizmə bəraət qazandıra bilməz” –Azərbaycan XİN-dən səfirin qətli haqda bəyanat

xin

Azərbaycan Respublikasının Xarici İşlər Nazirliyi Rusiya Federasiyasının Türkiyə Respublikasındakı səfiri Andrey Karlovun qətlə yetirilməsi ilə nəticələnən terror aktı barədə bəyanat yayıb.

Strateq.az XİN-ə istinadən bəyanatı olduğu kimi təqdim edir:

“Rusiya Federasiyasının Türkiyə Respublikasındakı səfiri Andrey Karlovun qətlə yetirilməsi ilə nəticələnən terror aktını kəskin şəkildə pisləyirik. Bu faciə ilə əlaqədar mərhumun ailəsinə, yaxınlarına və Rusiya Xarici İşlər Nazirliyindəki bütün həmkarlarımıza dərin hüznlə başsağlığı veririk.

Bu terror aktının hərtərəfli araşdırılacağına və günahkarların öz layiqli cəzalarını alacaqlarına əminliyimizi bildiririk.

Azərbaycan tam şəkildə inanır ki, səfir Andrey Karlova qarşı törədilmiş terror aktı Rusiyanın və Türkiyənin terrorizmə qarşı mübarizədə əzmini, əməkdaşlığını və birgə səylərini daha da gücləndirəcək.

Azərbaycan terrorizmin bütün forma və təzahürlərini qəti şəkildə pisləyir. Heç bir halda terrorizmə bəraət qazandırıla bilməz”.