XƏBƏR LENTİ

24 Oktyabr 2020
23 Oktyabr 2020

Digər Xəbərlər

08 Fevral 2017 - 21:58

Elmar Məmmədyarovdan Rusiya və İsrailin notalarına cavab:"Hər hansı bir maneə görmürəm"

elmar

"Rusiya konsulunun yaxın iki gündə Belarusdan Azərbaycana ekstradisiya olunmuş bloqqer Aleksandr Lapşinlə görüşəcəyi gözlənilir". 

Bunu Azərbaycan xarici işlər naziri Elmar Məmmədyarov "RİA Novosti"yə müsahibəsində bildirib. 

"Biz məsələylə bağlı Rusiya və İsrail səfirliklərindən notalar almışıq. Çox güman ki, Rusiya konsulu sabah və ya birisi gün Vyana Konvensiyasına uyğun olaraq Aleksandr Lapşinlə görüşəcək. Səfirliyin onunla danışmaq üçün imkanı olacaq. Mən artıq Rusiya səfiri ilə görüşmüş və məsələni müzakirə etmişəm. Hər hansı bir maneə görmürəm", – deyə Azərbaycan xarici siyasət idarəsinin rəhbəri vurğulayıb. 

Nazir qeyd edib ki, A.Lapşinin gələcək taleyi istintaqın nəticəsindən asılı olacaq: "O, qanunları pozub və bu səbəbdən cinayət işi başlanılıb, nəticədə İnterpol xətti ilə axtarışa verilib. Blogerə qarşı Cinayət Məcəlləsinin bir neçə maddəsi ilə ittiham irəli sürülüb və son qərarı da məhkəmə verəcək". / "Report"