XƏBƏR LENTİ

10 Mart 2021

Digər Xəbərlər

14 Fevral 2017 - 23:10

“Google” Azərbaycan ərazilərini erməni dilində təqdim edir –Xoşagəlməz olay (VİDEO)

azerb-xerite-google

Berdzor, Karvagar, Aqn, Varanda…  Bunlar Azərbaycanın işğal altında olan ərazilərindən bir neçəsinin adıdır.  "Google” xəritədə bir çox ərazilərimizin adı məhz bu formada, erməni sözləri ilə təqdim edilir.

Strateq.az "Xəzər xəbər"ə istinadən bildirir ki, dünyanın nəhəng axırış sistemi olan "google” xəritəyə daxil olub, ölkəmizin işğal altında olan yerlərinin adalarını yazan zaman, adların Azərbaycan versiyası ilə yanaşı erməni dilində dəyişmiş formasına rast gəlirik. Qarabağ müharibəsindən indiyə kimi isə Azərbaycana məxsus 700-dən çox yerin adı dəyişdirilib.

Ermənişünas-araşdırmaçı İsmayıl Tanrıverdinin sözlərinə görə, ermənilər tərəfindən bu gündə qədər təkcə qarabağ ərazisində 120 məntəqənin adı dəyişdirilib. Bir çox yerin adı isə təhrif edilib.

İTK mütəxəssisi Osman Gündüz isə bildirir ki, xəritə xidməti təklif edən bir çox şirkətlərdə bu tipli problemlərlə rastlaşmaq mümkündür. Bunun əsas səbəbi isə ölkəmizdə həmin şirkətlərlə işləyən bir qurumun olmamasıdır.

Problemdən Azərbaycanın Xarici İşlər Nazirliyi də xəbərdardır. Nazirlik tərəfindən edilən müraciətlər hələlik nəticəsiz qalıb.

Adların dəyişdirilməsi üçün hər bir istifadəçi "google” şirkətinə müraciət edib, bu səhvlərin aradan qaldırılmasına yardımçı ola bilər.