XƏBƏR LENTİ

01 Dekabr 2020
30 Noyabr 2020

Digər Xəbərlər

20 Aprel 2017 - 01:53

Etimad İsmayılov Türkiyədəki referendumu müdafiə etdi:"Yeni sistem gözlənilən təhlükələrin qarşısını alacaq"

“Türkiyədə keçirilən son referendum çox böyük, hətta deyərdim, həyati önəm daşıyırdı. Allaha həmd olsun ki, səsvərmənin nəticələri uğurlu oldu”.

Bunu Ədalət partiyasının sədr müavini Etimad İsmayılov qardaş ölkədə keçirilən son referendumun nəticələrini şərh edərkən deyib.

O, Türkiyənin bizim və dünya müsəlmanları üçün daşıdığı müstəsna əhəmiyyətə söykənərək bildirib: “ABŞ, Fransa, İngiltərə başda olmaqla imperialist güvvələr tərəfindən sərvətləri talanan, bilərəkdən adət-ənənələri məhvə sürüklənən, torpaqları işğal altında olan Azərbaycanın dünyada yegənə səmimi tərəfdaşı və dəstəyi Türkiyədir. Digər tərəfdən İslam dünyasının çökdürülməsi, siyasi məhvi nəticəsində, “Böyük Kürdüstan” pərdəsi altında Böyük İsrail dövləti qurmağın hədəfləndiyi bir zamanda, siyasi şərhçilərin qənaətinə görə, İslamın son qalası olan qardaş Türkiyənin inkişafı, güclənməsi bizlərə hava-su kimi lazımdı. Bu referendumu vacib edən bir neçə amil mövcud idi”.

E.İsmayılov son konstitusiya dəyişikliyinin Türkiyəni avtoritarlaşdıracağı fikriylə razılaşmır: “Əgər biz demokratiyadan danışırıqsa, Türkiyədəki dəyişdirilən siyasi sistem, fikrimcə, demokratiyaya zidd idi. Çünki qanunverici orqan olan Türkiyə Cümhuriyyəti Böyük Millət Məclisi eyni zamanda Nazirlər Kabinetini formalaşdırmaqla icra strukturu funksiyasını daşıyırdı. Bu da hakimiyyətin bölünmə prinsipinə ziddir.

Digər tərəfdən,Türkiyənin siyasi sisteminə bələd olan insanlara bəllidir ki, antaqonist mövqelərdən cıxış edən, hətta deyərdim ki, Türkiyənin inkişafında maraqlı olmayan imperialist qüvvələrin maşası rolunu oynayan fərqli siyasi partiyalar parlamentdə qanunların qəbulunu əngəlləyir, dövlət ücün vacib olan inkişafın önünü xaincəsinə alırdılar. 2019-cu ildən etibarən Turkiyənin yeni siyasi sistemi dunyadan gələn tələblərə daha operativ cavab verəcək, gözlənilən təhlükələrin qarşısını alacaq.

Zənnimcə, bu referendumun nəticələri bölücü təfəkkürlə yaşayan insanların, onların xarıcı havadarlarının Türkiyənin siyasi taleyinə təsir imkanlarını sıfıra endirdi”.

Ovqat.com