XƏBƏR LENTİ

07 İyun 2020
06 İyun 2020

Digər Xəbərlər

17 Aprel 2018 - 00:51

Ermənistanın paytaxtında gərginlik böyüyür –Aksiyaçılar paytaxtın mərkəzi küçələrini bağlayıblar

 

Yerevanda etiraz aksiyası keçirən mitinqçilər paytaxtın mərkəzi küçələrini bağlayıb.

Bu barədə Ermənistan mətbuatı məlumat yayıb.

Qeyd edilir ki, etirazçılar Tumanyan-Abovyan küçələrinin yolayrıcını bağlayıblar. Bundan sonra isə “Respublika” meydanını bağlamağa cəhd göstərərək, “Şimal” prospekti istiqamətində hərəkət ediblər.

Hazırda aksiyaçılar Maştoç və Amiryan küçələrinin yolayrıcını bağlayıblar.

Aksiyaçıların hərəkəti zamanı sürücülərlə mitinqçilər arasında kiçik toqquşmalar olub. Lakin ciddi qarşıdurma baş verməyib.

“Vətəndaş razılığı” partiyasının lideri Nikol Paşinyanın sözlərinə görə, onlar bu prosesə nəzarət edə bilmirlər. İnsanlar qeyri-ixtiyari hərəkət edirlər.

Qeyd edək ki, aksiyaçıların hərkətlərini əks etdirən videogörüntülər elektron mətbuata yerləşdirilsə də, sonradan onlardan bəziləri silinib.

Ermənistanda etirazçılar keçmiş prezident Serj Sarkisyanın baş nazir təyin edilməsinə etiraz əlaməti olaraq aksiya keçirirlər/Report.