XƏBƏR LENTİ

10 Mart 2021

Digər Xəbərlər

24 Aprel 2018 - 14:25

Vəzifədən azad olunan komitə sədri:"Hansı işlə məşğul olacağımı bilmirəm, gələcək göstərəcək"

Dövlət Gömrük Komitəsinin sabiq sədri Aydın Əliyev vəzifəsindən azad olunmasından danışıb.

Strateq.az unikal.org-a istinadən bildirir ki, o, Prezident İlham Əliyevin kimisə vəzifədən azad etməsi ilə bağlı qərarının müzakirə olunmadığını deyib:

“Cənab Prezident İlham Əliyevin verdiyi əmr və qərarlar müzakirə olunan deyil. Ölkə başçısının barəmdə verdiyi sərəncamını da düzgün hesab edirəm, çünki həyat da bunu göstərir. Uzun illərdir Dövlət Gömrük Komitəsində çalışmışam. Hər zaman cənab prezident zəhmətimizə yüksək qiymət verib. Ölkə başçısının apardığı kadr islahatları tamamilə düzgündür. Azərbaycanının daha da inkişafı üçün yeni qüvvələr lazımdır. Hesab edirəm ki, cənab Prezident tamamilə düzgün qərar qəbul edib”.

Bundan sonra hansı işlə məşğul olmasına gəlincə, Aydın Əliyev “Hələ bilmirəm və bunu gələcək göstərəcək. Bir müddət istirahətimə üstünlük verəcəm”– deyə cavab verib.