Livanda Rusiya qırıcıları İsrail qırıcılarının qarşısını kəsib. 

“Milliyet” xəbər verir ki, Rusiya döyüş təyyarələri Livanın hava sahəsində İsrailə aid 2 “F-16” qırıcısının qarşısını kəsib.

İsrailin “Times of Israel” saytında yer alan xəbərə görə, iki ölkə arasında koordinasiya bu səhər pozulub. İsrailin ən böyük televiziya kanallarından olan “Hadashot” da xəbəri təsdiqləyib.

Ancaq İsrail və Rusiyadan hələ məsələ ilə bağlı rəsmi açıqlama verilməyib.

O da bildirilir ki, İsrail qırıcıları tez-tez Livan hava sahəsinə girərək kəşfiyyat aparır. İsrail Suriyaya hücumlarının çoxunu da buradan həyata keçirib.

Onu da qeyd edək ki, Rusiyanın bölgədəki hərbi güclərini artırdığı 2015-ci ildə Təl-Əviv və Moskva arasında mümkün qarşıdurmanın qarşısını almaq üçün dialoq mexanizmi yaradılmışdı. Ancaq hərbi mənbələr nə İsrailin, nə də Rusiyanın Suriyadakı hücumlarından əvvəl bir-birinə xəbər verdiyini deyirlər/Sputnik.