XƏBƏR LENTİ

25 May 2020
24 May 2020
23 May 2020

Digər Xəbərlər

11 İyun 2018 - 00:32

TRAMP G-7 ZİRVƏSİNİ POZDU, MAKRON SƏRT REAKSİYA VERDİ:"Əməkdaşlıq əsəbi bəyanatlarla diktə edilə bilməz"

Xəbər verdiyimiz kimi, Kanadada keçirilən G7 sammitindən sonra ABŞ Prezidenti Donald Trampa qarşı sərt açıqlamalar səsləndirilib.

Belə ki, G7 zirvəsi Trampın ev sahibi Kanadaya sərt iradlar bildirməsi və sammitin yekununda birgə bəyannaməyə imza atmaması ilə sona çatıb.

Fransa Prezidenti Emmanuel Makronun ofisi sammitdə Trampın mövqeyinə cavab olaraq “Beynəlxalq əməkdaşlıq əsəb və düşünülməmiş bəyanatlarla diktə edilə bilməz” açıqlaması verib.

“Röyters”ə açıqlama verən ABŞ rəsmisi isə Kanada baş naziri Justin Trüdonun ABŞ-ı “kürəyindən bıçaqladığını” bildirib.

Qeyd edək ki, sammitin əsas mövzusu yeni ticarət münaqişələri olub. G7-nin üzvü olan altı ölkənin maliyyə nazirləri sammitöncəsi keçirilən toplantıda Vaşinqtonu polad və alüminum idxalı üçün yeni vergiləri ləğv etməyə çağırmışdı.

Xatırladaq ki, ABŞ-ın 1 iyundan Avropa Birliyi, Kanada və Meksikadan idxal edilən polada 25, alüminiuma isə 10 faiz əlavə gömrük vergisi tətbiq etməyə başlayıb. Bu addımın xüsusən Avropa ilə ABŞ arasında ticarət müharibələri başlaması səbəb ola biləcəyi vurğulanıb/Teleqraf.com.