XƏBƏR LENTİ

06 Avqust 2020

Digər Xəbərlər

24 İyun 2018 - 12:54

CHP liderindən iqtidar və məmurlara xəbərdarlıq:"Şikayətlər var, seçkiyə kölgə düşürməyin"

Türkiyədə keçirilən seçkidə ailəsi ilə birlikdə səs verən CHP lideri Kamal Kılıçdaroğlu AKP iqtidarına və ölkədəki məmurlara xəbərdarlıq edib.

Strateq.az Türkiyə mətbuatına istinadən xəbər verir ki, o, hazırda səsvermədə ciddi sıxıntılar olmasa da, şikayətlərin olduğunu deyib: “Hazırda CHP-nin deputatları problem və şikayətləri həll etmək üçün əllərindən gələni edirlər. Bütün dövlət məmurlarına buradan səslənirəm: lütfən, dövlət məmuru olduğunuzu unutmayın. Sizlər dövlətin mənfəəti üçün çalışmaq məcburiyyətindəsiniz”.

CHP lideri deyib ki, əsas problemlər Türkiyənin şərqi və cənub-şərqindədir: “Bu bölgələrimizdən şikayətlər var. Seçimin üzərinə kölgə düşməməlidir. Məntəqələrdəki tərəfdarlarımızın vəzifələrini həyata keçirmələri üçün şərait yaradılmalıdır. O zaman heç bir qayğımız da olmaz”.

Sonda partiya sədri nahardan sonra mətbuat konfransı keçirəcəklərini bəyan edib.