XƏBƏR LENTİ

10 Mart 2021

Digər Xəbərlər

28 İyul 2018 - 17:11

DTX Gəncədə daha bir əməliyyat keçirdi –Təslim olmayan bir nəfər zərərsizləşdirilib (Video)

Gəncədə ictimai asayişi pozmağa cəhd göstərmiş daha bir nəfər zərərsizləşdirilib.

Trend-in əldə etdiyi məlumata görə, iyulun 10-da Gəncə şəhərində ictimai asayişi pozmağa cəhd göstərmiş radikal dini yönümlü qrupun fəal üzvlərindən daha biri Səmədov Fuad Tofiq oğlu zərərsizləşdirilib.

Belə ki, iyulun 28-də Dövlət Təhlükəsizlik Xidmətinin (DTX) xüsusi əməliyyat qrupu tərəfindən keçirilmiş əməliyyat tədbirləri zamanı F.Səmədovun Samux şəhərində gizləndiyi yer müəyyən edilib.

Onun tərksilah olunması və saxlanılması üzrə keçirilən xüsusi əməliyyat zamanı silahlı müqavimət göstərərkən cavab tədbiri olaraq məhv edilib.

Hadisə yerində F.Səmədovun üzərindən “Makarov” tipli tapança aşkar edilib.