XƏBƏR LENTİ

01 Oktyabr 2020
30 Sentyabr 2020

Digər Xəbərlər

20 Sentyabr 2018 - 16:13

Bakı Şəhər İcra Hakimiyyətində dəyişikliklər –Eldar Əzizov Aparat rəhbərini dəyişdi, şöbə müdirlərini işdən çıxardı

 

Bakı şəhər İcra Hakimiyyəti başçısının müavini Eldar Əzizov yeni təyinatlar edib.

Strateq.az “Qafqazinfo”.az-a istinadən  xəbər verir ki, onun əmri ilə İH-nin Aparat rəhbəri Rаsim Vаqif оğlu Quliyеv vəzifəsindən azad edilib və onun yerinə Elgün Həbibullayev təyin olunub.

E. Əzizov BŞİH-nin Ərazi idarəetmə və yerli özünüidaretmə orqanları ilə iş şöbəsinin müdiri Əli Əliyevin də vəzifəsindən azad olunması haqda əmr imzalayıb. Onun yerinə Coşqun Cəbrayılov bu vəzifəyə təyin olunub.

İcra Hakimiyyətinin Xarici Əlaqələr və İnvestisiya Proqramları Departamentinin rəhbəri Vahid İsmayılov vəzifəsindən azad edilib və onun yerinə Aparat rəhbəri vəzifəsindən azad edilən Rasim Quliyev təyin olunub. V. İsmayılov isə R. Quliyevə müavin təyin edilib.

Bundan başqa BŞİH-nin ümumi şöbəsində də dəyişiklik edilib. Belə ki, Sənədlərlə və vətəndaşların müraciətləri ilə iş şöbəsinin müdiri Namiq Məmmədov vəzifəsindən azad edilib və onun yerinə Ayaz İmaməliyev təyin olunub.