XƏBƏR LENTİ

12 Avqust 2020
11 Avqust 2020

Digər Xəbərlər

03 Oktyabr 2018 - 23:54

ELDAR ƏZİZOV QIZINA 400 MİNLİK TOY EDƏN DİREKTORU VƏZİFƏSİNDƏN AZAD ETDİ –BŞİH-də yoxlama davam edir

Bakı Şəhər İcra Hakimiyyəti Başçısı səlahiyyətlərini icra edən Eldar Əzizov Bakı Lift-Təmir İstehsalat Birliyinin baş direktoru Qüdrət Şükürovu vəzifəsindən azad edib.

Bu barədə Strateq.az-a verilən məlumatda bildirilir ki, Eldar Əzizovun sərəncamı ilə 3 gün əvvəl Bakı Şəhər İcra Hakimiyyətində (BŞİH) yeni komissiya yaradılıb. Həmin komissiya İcra Hakimiyyətinin bütün strukturlarında, o cümlədən Bakı Lift-Təmir İstehsalat Birliyində hərtərəfli yoxlamaya başlayıb: “Bakı Şəhər İcra Hakimiyyəti yoxlamaya ayın 1-də başlasa da, bu barədə rəsmi məlumat oktyabrın 2-də yayıldı. Bu gün isə Eldar Əzizov Qüdrət Şükürovu vəzifəsindən çıxardı”.

Məlumata görə, hazırda BŞİH-in tabeliyində olan Bakı Lift-Təmir İstehsalat Birliyi də daxil olmaqla, digər qurumlarda yoxlama davam edir. Bu səbəbdən digər rəhbər şəxslərin də vəzifələrindən azad olunacağı gözləniləndir.

Xatırladaq ki, Bakı Lift İdarəsinin baş direktoru Qüdrət Şükürovun adı ötən il qızı Aysel Şükürovanın dəbdəbəli toy mərasimi ilə mətbuatın gündəminə gəlib. Həmin vaxtı iddia edilirdi ki, Qüdrət Şükürov qızının toyuna 400 min dollar xərc çəkib…

Onu da qeyd edək ki, ötən il bu kimi xəbərlərin kütləviləşməsindən sonra Qüdrət Şükürovun vəzifəsindən azad olunduğu haqda xəbərlər yayılsa da, sonradan məlumat rəsmən təkzib edilmişdi.