XƏBƏR LENTİ

18 Sentyabr 2020

Digər Xəbərlər

06 Noyabr 2018 - 13:51

“Regiondakı qeyri-sabitlikdən narahatıq” –ABŞ rəsmisi

“Ermənistanın mürəkkəb coğrafi vəziyyətini anlayışla qarşılasaq da, regionun vəziyyətinin qeyri-sabitliyindən də narahatıq”.

Bunu ABŞ dövlət katibinin Avropa və Avrasiya məsələləri üzrə köməkçisinin müavini Corc Kent “Amerikanın səsi” radiosuna müsahibəsində bildirib.

C.Kent Ermənistan hökumətinin onun sözlərini doğru başa düşməsini istəyib.

Onun sözlərinə görə, İran bölgədə sabitliyi pozan əsas qüvvədir: Sanksiyalar yalnız İranın nüvə silahı yaratmasına görə tətbiq edilməyib. Rəsmi Tehran terrorçuluğu dəstəkləməsinə və sabitliyi pozmasına görə məhdudlaşdırıcı tədbirlərə məruz qalıb”.

Amerikalı diplomat deyib ki, ABŞ tərəfdaşları və dostlarının dönməz itkilərlə üzləşməməsi üçün onlarla bu istiqamətdə işləmək istəyir/Report.