XƏBƏR LENTİ

21 Yanvar 2021
20 Yanvar 2021

Digər Xəbərlər

02 Dekabr 2018 - 20:48

Vaşadze iqtidara vaxt verdi, Saakaşvili xalqa səsləndi:"Biz dayanmayacağıq, siz təslim olmayın..."

“Gürcüstanın müxalif “Güc birlikdədir”koalisiyası prezident seçkilərinin nəticələrinin ləğv olunması ilə bağlı məhkəməyə müraciət edəcək”.

Bunu Tbilisidə kütləvi aksiyada çıxış edən prezidentliyə sabiq namizəd Qriqol Vaşadze deyib.

O, bildirib ki, qanun çərçivəsində kriminal hökumətə son qoyulacaq: “Noyabrın 28-də keçirilmiş seçki seçki olmadı. Bu, Gürcüstan xalqına qarşı kriminal əməliyyat oldu”.

Q.Vaşadze bildirib ki, müxalifət ölkədə siyasi böhranın aradan qaldırılması üçün hökumətə 16 dekabradək vaxt verib: “Biz növbədənkənar parlament seçkiləri və seçki qanunvericiliyinə əsaslı dəyişikliklərin edilməsini tələb edirik. Buna görə hökuməti işçi qrup yaratmağa çağırırıq. Gələcək planlarımız hökumətin addımlarından asılı olacaq”.

Aksiya iştirakçılarına Gürcüstanın sabiq prezidenti, Vahid Milli Hərəkat Partiyasının lideri Mixeil Saakaşvili canlı video bağlantı ilə müraciət edib. O, etirazçıları təslim olmamağa və səslərini qorumağa çağırıb: “Bizim mübarizəmiz qələbə ilə başa çatacaq. Məni çağıran kimi, fiziki olaraq yanınza gələcəyəm. Biz dayanmayacağıq və mübarizəmizi davam etdirəcəyik”.

Report