XƏBƏR LENTİ

24 Noyabr 2020

Digər Xəbərlər

18 Aprel 2019 - 22:29

AKP-dən təbrik almayan İmamoğlu Ərdoğana ismarıc göndərdi:"Biz bu şəhəri barışdırmağa gəlirik"

“Əlbəttə, həyəcanlıyam, amma bu həyəcanım ağılımın önünə keçə bilməz. Məsuliyyətimin fərqindəyəm”.

Strateq.az xəbər verir ki, bunu İstanbul bələdiyyəsinin sədri Əkrəm İmamoğlu bu gün keçirdiyi mətbuat konfransında deyib.

O, “AKP-dən təbrik aldınızmı?” sualına “Buradakı rəsmi telefonlardan gəlmədi, cib telefonuma isə hələ baxmamışam”, – deyə cavab verib.

Jurnalistlərdən birinin “Cənab Ərdoğan İstanbula gələcək. Onu qarşılayacaqsız?” sualına isə İmamoğlu belə cavab verib: “Vəzifəm nəyi tələb edirsə, onu da edərəm. Bundan kimsənin şübhəsi olmasın. Əl tutub görüşməklə yanaşı, fürsətimiz olarsa, qucaqlaşarıq. Biz bu şəhəri barışdırmağa gəlirik”.