XƏBƏR LENTİ

31 May 2020
30 May 2020

Digər Xəbərlər

17 May 2019 - 14:11

Deputatlar parlamentdə “Keşikçidağ”la bağlı məsələ qaldırdı:"Güzəştə getməməliyik..."

Azərbaycan Milli Məclisinin bu gün keçirilən plenar iclasında “Keşikçidağ”la bağlı məsələ qaldırılıb.

Deputat Tahir Kərimli deyib ki, Azərbaycan və Gürcüstan dövlətlərinin dostluğu daim davam etməlidir.

O qeyd edib ki, bu dostluq tarixi ənənəyə söykənir: “Bu bizim üçün də önəmlidir, yolumuz Gürcüstandan keçir. Biz suverenliyimiz daxilində gürcülərə imkan verdik,  gürcü xalqının bir sıranümayəndələri pasxa bayramını keçirirlər. Onlar isə “Keşikçidağ”da aksiya keçirərək Azərbaycanın dövlət müstəqilliyi əleyhinə şüarlar səsləndirdilər. Qanunu ciddi şəkildə pozdular, bizi təhqir etdilər. Biz gürcü siyasi xadimlərinə izah etməliyik ki, bu nə məsələdir. Həmin abidə VI əsrdə tikilib, alban abidəsidir. XI, XII əsrdə qurucu Davidin və Tamaranın dövründə gürcü provaslav dininə aid olub, bu gün də gürcü ortodoksal kilsəsinə aiddir. Olsun, amma bizim də Gürcüstan ərazisində xeyli müsəlman abidələrimiz var. İddia etmirik ki, harada bizim abidəmiz varsa, ora bizim torpağımızdır. Bu məsələ ilə bağlı iki ölkə arasında komissiya fəaliyyət göstərir. Biz tarixən torpaqlarımızı Rusiyanın istəyi ilə Gürcüstana və Ermənistana paylamışıq, indi də “Keşikçidağ”da güzəştə getməməliyik. Dünyada 210-dan çox dövlət var, Azərbaycan dünyada yeganə dövlətdir ki, bütün sərhədləri keçmiş torpaqları ilə sərhəddir”.

Deputat Fərəc Quliyev də bu gərginliyin aradan qaldırılmasının zəruriliyini qeyd edib.

O deyib ki, “Keşikçidağ” Azərbaycan ərazisidir.

Deputat Qənirə Paşayeva da həmin abidə “Keşikçidağ” adlandırılmalıdır və o, Azərbaycana məxsusdur: “Tarixi abdilər bizim üçün çox həssasdır. İnanırıq ki, bu məsələ Azərbaycanın maraqları çərçivəsində həll ediləcək”.

Report