XƏBƏR LENTİ

02 İyun 2020
01 İyun 2020

Digər Xəbərlər

13 Sentyabr 2019 - 16:28

“Həmsədrlərin cinayətkar erməni rejiminin xeyrinə addım atması qəbuledilməzdir” –“Qaçqınkom” sədri

ATƏT-in Minsk qrupunun həmsədrlərindən biri olan Fransa parlamenti üzvlərinin Dağlıq Qarabağa qanunsuz səfəri yolverilməzdir. Biz həmin beynəlxalq təşkilata üzv olan dövlətlərin buna mövqe bildirmələrini istəyirik”.

Bunu “Dağlıq Qarabağ bölgəsinin azərbaycanlı icması”nın İdarə Heyətinin Dağlıq Qarabağdan olan və bu il ali təhsil müəssisələrinə yüksək balla qəbul olan tələbələrlə keçirdiyi görüşdə Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev deyib.

O bildirib ki, ATƏT-in Minsk qrupunun həmsədrləri Azərbaycanın işğal altında olan torpaqları ilə bağlı qətiyyətli mövqe nümayiş etdirməlidirlər və bu təxribatlara ad verilməlidir: “Heç bir xalq silah gücü ilə digər xalqın müqəddəratını təyin edə bilməz. Torpaqlarımızın işğal olunması bütün dünyaya bəllidir. Eyni zamanda bütün beynəlxalq təşkilatlar mövqelərini bildirib ki, Azərbaycanın Dağlıq Qarabağ bölgəsində yaşayan azərbaycanlı əhalisi etnik təmizləməyə məruz qalıb və hazırda Dağlıq Qarabağda heç bir azərbaycanlı yaşamır. Bu gün qaçqın və məcburi köçkün vətəndaşlarımız Azərbaycanın 59 şəhər və rayonunda məskunlaşıblar. Belə olan halda ATƏT-in Minsk qrupunun həmsədrlərinin cinayətkar erməni rejiminin xeyrinə addım atması qəbuledilməzdir. Biz bunu pisləyirik və ATƏT-in Minsk qrupunun həmsədrləri olan dövlətlərdən buna mövqe bildirilməsini gözləyirik”.