XƏBƏR LENTİ

17 Fevral 2020
16 Fevral 2020

Digər Xəbərlər

23 Oktyabr 2019 - 21:11

Tramp Türkiyənin 3 nazirinə qarşı sanksiyaları ləğv etdi: "Ərdoğanla çox yaxşı əlaqəmiz var"

ABŞ Prezidenti Donald Tramp Ağ Evdə Türkiyənin “Barəş Pınarı” əməliyyatının 120 saatlıq dayandırılması ilə bağlı anlaşma mövzusunda açıqlamalar verib.

Strateq.az “Anadolu”ya istinadla xəbər verir ki, Türkiyənin Suriyada əməliyyatları dayandırdığını xatırladan Tramp bu ölkəyə oktyabrın 14-də tətbiq olunan sanksiyaların aradan qaldırılması üçün Maliyyə Nazirliyinə göstəriş verdiyini bildirib.

Donald Tramp Türkiyə Prezidenti Rəcəb Tayyib Ərdoğana təşəkkür edərək deyib: “Prezident Ərdoğanla çox yaxşı əlaqəmiz var. Ölkəsini çox sevən bir liderdir. Ölkəsi üçün doğru olan işi gördü. Çox yaxın zamanda onunla görüşəcəyik”.

Trampın bu çıxışının ardınca ABŞ-ın Maliyyə Nazirliyi yazılı məlumat yayıb.

Bildirlib ki, tətbiq edilən sanksiyalar artıq ləğv olunub.

Məlumata görə, Milli Müdafiə naziri Hulusi Akar, Enerji və Təbii Sərvətlər naziri Fatih Dönməz və Daxili İşlər naziri Süleyman Soylunun adları sanksiya siyahısından çıxarılıb.