XƏBƏR LENTİ

13 Avqust 2020

Digər Xəbərlər

15 Fevral 2020 - 13:12

Nazir Vilayət Eyvazov 28 nəfəri qəbul etdi, rəislərə konkret tapşırıqlar verdi:"Müraciətlərin əksəriyyəti elə yerindəcə öz həllini tapıb"

Daxili İşlər naziri, general-polkovnik Vilayət Eyvazov fevralın 15-də Daxili İşlər Nazirliyində polis orqanlarının fəaliyyətinə və səlahiyyətinə aid məsələlərlə əlaqədar növbəti qəbul keçirərək Bakı şəhər sakinlərindən müraciət edən 28 vətəndaş ilə görüşüb.

Strateq.az DİN-ə istinadla xəbər verir ki, general-polkovnik Vilayət Eyvazov onların polisin fəaliyyəti ilə bağlı müraciətlərini şəxsən dinləyərək, problemlərinin operativ şəkildə, mövcud qanunvericiliyə uyğun həlli üçün Nazirliyin aidiyyatı baş idarə və xidmət rəislərinə konkret tapşırıqlar verib.

Məlumata görə, müraciətlərin əksəriyyəti elə yerindəcə öz həllini tapıb.

Tədbirdə iştirak edən şəxslər göstərilən diqqət və qayğıya, müraciətlərinə çevik reaksiyaya və həssas yanaşılmasına görə DİN rəhbərliyinə minnətdarlıq ediblər.