XƏBƏR LENTİ

10 Avqust 2020
09 Avqust 2020
08 Avqust 2020

Digər Xəbərlər

14 İyun 2016 - 17:06

Ərdoğandan Rusiyaya barışıq jesti:son 7 ayda ilk dəfə Putinə məktub göndərdi

Türkiyə prezidenti Rəcəb Tayyib Ərdoğan son 7 ayda ilk dəfə həmkarı Vladimir Putinə məktub göndərib. 

Strateq.az xarici mətbuata istinadən xəbər verir ki, Ərdoğan Rusiyanın dövlət bayramı – Rusiya Günü münasibətilə Vladimir Putini və rus xalqını təbrik edib. Bu, 2015-ci ilin 24 noyabrından – məlum təyyarə insidentindən bu yana prezident səviyyəsində ilk rəsmi təmasdır.

Ərdoğan təbrik məktubunda Putinin timsalında rus xalqını təbrik edib, qarşıdakı dövrdə Türkiyə-Rusiya münasibətlərinin layiq olduğu səviyyəyə gələcəyinə ümid və arzu etdiyini bildirib. 

Baş nazir Binəli Yıldırım isə Rusiya hökumətinin başçısı Dmitri Medvedevi təbrik edib: "Xalqlarımızın ortaq maraqları naminə iki ölkə arasındakı münasibətlərin tezliklə lazımi səviyyəyə çatmasını ümid edir, rus xalqına rifah diləyirəm".