XƏBƏR LENTİ

24 Noyabr 2020

Digər Xəbərlər

25 Mart 2017 - 13:28

Azərbaycan xarici bazarlarda mövqelərini niyə itirir? –Ekspert rəyləri

“Aqrar sahə uzun illərdir ki, düzgün inkişaf yolunda deyil, elə ticarət dövriyyəsinin azalması problemi də bundan qaynaqlanır. Keçən il bütün ilboyu aqrar sahədə islahatlar aparılmasından, istehsalın artırılmasından və Azərbaycanın ticarət dövriyyəsinin azalması probleminin həll olunmasından danışdılar”.

Strateq.az bildirir ki, bunu “Exo” qəzetinə açıqlamasında  ekspert Nəriman Ağayev bildirib. Ekspert deyir ki, aqrar sahədən əldə edilən gəlirin artmasına imkan verməyən kifayət qədər problemlər var: “Bürokratiya, tarif siyasəti və potensial ixarcatçıların savadsızlığı bu problemlərin ilk sırasında yer alır. Xarici bazarda çalışmaq o qədər də asan deyil. Bu zəhmət tələb edən işdir. Çoxları isə bunu həll etməyə girişmir, hökumət isə xarici bazara inteqrasiya olunmaq üçün yetərli səy göstərmir”.

Ekspert bu izahdan sonra bir zamanlar Azərbaycanın yeri olan bu bazarlarda indi Gürcüstanın yüksək nəticələr əldə etdiyini, Azərbaycanın isə mövqeyini itirdiyini bildirir.

Başqa bir ekspert Rövşən Ağayev isə deyib ki, bu mövqelərin itirilməsi özünü Azərbaycanın xarici bazarlarla ticarət dövriyyəsinin azalmasında da göstərir: “Təhlillər göstərir ki, Azərbaycanın xarici ölkələrlə ticarət dövriyyəsi 20- 50% arasında azalıb. Böhranın təsirilə milli iqtisadiyyat kəskin azalıb. Biznesin inkişafı üçün investisiya yoxdur, bahalıq üzündən çətin satıldığı üçün sahibkarlar mal idxalında maraqlı deyildirlər. Yüksək rütbəli məmurların iqtisadiyyatın şaxləndirilməsi haqda bəyanatlarına baxmayaraq bu sahədə heç nə edilməyib. Büdcə əhəmiyyətli dərəcədə neftdən asılıdır, bütün ümidlər enerji bazarına bağlanıb”.