XƏBƏR LENTİ

10 Mart 2021

Digər Xəbərlər

11 Aprel 2017 - 17:36

Rəsmi Tbilisi “Qazprom”dan qaz alışını dayandırır –Gürcüstanı qazla Azərbayca təmin edəcək

"Gürcüstan "Qazprom"dan qaz alışını dayandıracaq".

Bu barədə Gürcüstanın energetika naziri Kaxa Kaladze bildirib.

Onun sözlərinə görə, ilin sonunadək heç bir Rusiya şirkəti ilə qaz alqı-satqısına dair yeni müqavilə imzalanmaycaq.

Nazirliyin təqdim etdiyi rəqəmlərə əsasən, Gürcüstan cari ilin birinci rübündə Rusiyadan 100 mln. kubmetr qaz alıb ki, bunun da 70 mln. kubmetri fevral ayının payına düşür.

Aprel ayından etibarən Gürcüstan öz əhalisinin və müəssisələrinin qaza olan tələbatını tamamilə Azərbaycanın hesabına ödəyəcək. Burada təchizatçı qismində SOCAR və "Şahdəniz" konsorsiumu çıxış edəcək. Beləliklə, Gürcüstanın qaz idxalında Rusiyanın payı 4%-ə enəcək.

Nazirliyin proqnozuna əsasən, bu il Gürcüstan ümumilikdə 2,457 mlrd. kubmetr həcmində təbii qaz idxal etmək niyyətindədir ki, bunun da 2,347 mlrd. və ya 95,5%-i Azərbaycanın payına düşəcək.

APA