XƏBƏR LENTİ

20 Sentyabr 2020
19 Sentyabr 2020

Digər Xəbərlər

12 May 2017 - 09:54

OPEC-in qərarı nefti bahalaşdırır –“Qara qızıl”ın qiyməti  bu həftə 3,5% artıb

ABŞ-da yüksək səviyyələrdə olan neft ehtiyatlarının azalmaqda davam etməsi və OPEC-in istehsalın azaldılması müqaviləsinin ilin sonunadək uzadılacağı ilə bağlı açıqlamasından sonra  neft qiymətləri yüksəlir.

"Marja" xəbər verir ki, ABŞ-da neft ehtiyatları mart ayının sonundakı rekord səviyyədən azalmaqda davam edib. İraqın nümayəndəsi Cabbar əl-Luaibi və Əlcəzairdən Nurəddin Boutarfa Bağdada təşkil etdikləri ortaq mətbuat konfransında, OPEC və müttəfiqlərinin istehsalın azaldılması müqaviləsini daha altı ay uzatmağı dəstəklədiklərini bildiriblər.

Qərbi Texas nefti (WTI) Nymex birjasında 6 sent yüksələrək bareli 47.89 dollara, Brent nefti Londonda ICE Futures Europe birjasında  3 sent yüksələrək bareli 50.80 dollara çıxıb. Cümə günü neft 55 sent və ya 1.1 faiz qalxaraq 50.77 dollardan bağlanıb. Qiymətlər bu həftə 3.5% artıb. 

 Azərbaycan nefti 1 dollar bahalaşıb

 Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 1 dollar və yaxud 1,96% artıb.  "Azeri LT CIF" markalı neftin qiyməti 51,99 dollar/barelə bərabər olub.

 Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.